top of page

ישעיהו יב

וְאָמַרְתָּ בַּיּוֹם הַהוּא

אוֹדְךָ יְהוָה כִּי אָנַפְתָּ בִּי

יָשֹׁב אַפְּךָ וּתְנַחֲמֵנִי׃ 


הִנֵּה אֵל יְשׁוּעָתִי אֶבְטַח וְלֹא אֶפְחָד

כִּי עָזִּי וְזִמְרָת יָהּ יְהוָה וַיְהִי לִי לִישׁוּעָה׃ 

וּשְׁאַבְתֶּם מַיִם בְּשָׂשׂוֹן מִמַּעַיְנֵי הַיְשׁוּעָה׃ 


וַאֲמַרְתֶּם בַּיּוֹם הַהוּא

הוֹדוּ לַיהוָה קִרְאוּ בִשְׁמוֹ

הוֹדִיעוּ בָעַמִּים עֲלִילֹתָיו

הַזְכִּירוּ כִּי נִשְׂגָּב שְׁמוֹ׃ 

זַמְּרוּ יְהוָה כִּי גֵאוּת עָשָׂה

מידעת זֹאת בְּכָל הָאָרֶץ׃

צַהֲלִי וָרֹנִּי יוֹשֶׁבֶת צִיּוֹן

כִּי גָדוֹל בְּקִרְבֵּךְ קְדוֹשׁ יִשְׂרָאֵל: (ישעיהו יב, א-ו)


bottom of page