top of page
מִכְתָּב לְחִזְקִיָּהוּ מֶלֶךְ יְהוּדָה בַּחֲלֹתוֹ וַיְחִי מֵחָלְיוֹ׃

מכתב ליחיזקיהו

אֲנִי אָמַרְתִּי בִּדְמִי יָמַי אֵלֵכָה

בְּשַׁעֲרֵי שְׁאוֹל פֻּקַּדְתִּי יֶתֶר שְׁנוֹתָי׃ 

אָמַרְתִּי לֹא אֶרְאֶה יהֹוָה בְּאֶרֶץ הַחַיִּים

לֹא אַבִּיט אָדָם עוֹד עִם יוֹשְׁבֵי חלד:

דּוֹרִי נִסַּע וְנִגְלָה מִנִּי כְּאֹהֶל רֹעִים

קִפַּדְתִּי כָאֹרֵג חַיַּי מִדַּלָּה יְבַצְּעֵנִי

מִיּוֹם עַד לַיְלָה תַּשְׁלִימֵנִי׃ 

שִׁוִּיתִי עַד בֹּקֶר כָּאֲרִי כֵּן יְשַׁבֵּר כָּל עַצְמוֹתָי׃ 

כְּסיּס עָגוּר כֵּן אֲצַפְצֵף אֶהְגֶּה כַּיּוֹנָה

דַּלּוּ עֵינַי לַמָּרוֹם אֲדֹנָי עָשְׁקָה לִּי עָרְבֵנִי׃ 


מָה אֲדַבֵּר וְאֹמַר לִי וְהוּא עָשָׂה

אֶדַּדֶּה כָל שְׁנוֹתַי עַל מַר נַפְשִׁי׃ 

אֲדֹנָי עֲלֵיהֶם יִחְיוּ וּלְכָל בָּהֶן חַיֵּי רוּחִי

וְתַחֲלִימֵנִי וְהַחֲיֵנִי׃ 

הִנֵּה לְשָׁלוֹם מַר לִי מָר

וְאַתָּה חָשַׁקְתָּ נַפְשִׁי מִשַּׁחַת

בְּלִי כִּי הִשְׁלַכְתָּ אַחֲרֵי גֵוְךָ כָּל חֲטָאָי׃ 


כִּי לֹא שְׁאוֹל תּוֹדֶךָּ מָוֶת יְהַלְלֶךָּ

לֹא יְשַׂבְּרוּ יוֹרְדֵי בוֹר אֶל אֲמִתֶּךָ׃ 

חַי חַי הוּא יוֹדֶךָ כָּמוֹנִי הַיּוֹם

אָב לְבָנִים יוֹדִיעַ אֶל אֲמִתֶּךָ׃ 

יְהוָה לְהוֹשִׁיעֵנִי וּנְגִנוֹתַי נְנַגֵּן

כָּל יְמֵי חַיֵּינוּ עַל בֵּית יְהוָה׃


(ישעיהו לח,ט-כ)


bottom of page