top of page

תהלות ירמיהו יד, כ

אִם עֲונֵינוּ עָנוּ בָנוּ יְהוָה עֲשֵׂה לְמַעַן שְׁמֶךָ

כִּי רַבּוּ מְשׁוּבֹתֵינוּ לְךָ חָטָאנוּ׃ 

מִקְוֵה יִשְׂרָאֵל מוֹשִׁיעוֹ בְּעֵת צָרָה

לָמָּה תִהְיֶה כְּגֵר בָּאָרֶץ וּכְאֹרֵחַ נָטָה לָלוּן׃ 

לָמָּה תִהְיֶה כְּאִישׁ נִדְהָם כְּגִבּוֹר לֹא יוּכַל לְהוֹשִׁיעַ

וְאַתָּה בְקִרְבֵּנוּ יְהוָה וְשִׁמְךָ עָלֵינוּ נִקְרָא אַל תַּנִּחֵנוּ׃


(ירמיהו יד, ז-ט)


הֲמָאֹס מָאַסְתָּ אֶת יְהוּדָה אִם בְּצִיּוֹן גָּעֲלָה נַפְשֶׁךָ

מַדּוּעַ הִכִּיתָנוּ וְאֵין לָנוּ מַרְפֵּא

קַוֵּה לְשָׁלוֹם וְאֵין טוֹב וּלְעֵת מַרְפֵּא וְהִנֵּה בְעָתָה׃ 

יָדַעְנוּ יְהוָה רִשְׁעֵנוּ עֲון אֲבוֹתֵינוּ כִּי חָטָאנוּ לָךְ׃ 

אַל תִּנְאַץ לְמַעַן שְׁמֶךָ אַל תְּנַבֵּל כִּסֵּא כְבוֹדֶךָ:

זְכֹר אַל תָּפֵר בְּרִיתְךָ אִתָּנוּ׃ 

הֲיֵשׁ בְּהַבְלֵי הַגּוֹיִם מַגְשִׁמִים

וְאִם הַשָּׁמַיִם יִתְּנוּ רְבִבִים

הֲלֹא אַתָּה הוּא יְהוָה אֱלֹהֵינוּ וּנְקַוֶּה לָּךְ

כִּי אַתָּה עָשִׂיתָ אֶת כָּל אֵלֶּה׃ (ירמיהו יד, יט-כב) 




שִׁירוּ לַיהוָה הַלְלוּ אֶת יְהוָה

כִּי הִצִּיל אֶת נֶפֶשׁ אֶבְיוֹן מִיַּד מְרֵעִים׃ (ירמיהו כ, יג)


bottom of page