תְּהִלַּת יְהוָה יְדַבֶּר פִּי:
מזמור כו
תפילה / בקשת הצלה

שָׁפְטֵנִי יְהוָה כִּי אֲנִי בְּתֻמִּי הָלַכְתִּי
 וּבַיהוָה בָּטַחְתִּי לֹא אֶמְעָד׃
בְּחָנֵנִי יְהוָה וְנַסֵּנִי צְרוֹפה כִלְיוֹתַי וְלִבִּי׃
כִּי חַסְדְּךָ לְנֶגֶד עֵינָי וְהִתְהַלַּכְתִּי בַּאֲמִתֶּךָ׃
לֹא יָשַׁבְתִּי עִם מְתֵי שָׁוְא
וְעִם נַעֲלָמִים לֹא אָבוֹא׃
שָׂנֵאתִי קְהַל מְרֵעִים וְעִם רְשָׁעִים לֹא אֵשֵׁב׃
אֶרְחַץ בְּנִקָּיוֹן כַּפָּי וַאֲסֹבְבָה אֶת מִזְבַּחֲך יְהוָה׃
לַשְׁמִעַ בְּקוֹל תּוֹדה וּלְסַפֵּר כָּל נִפְלְאוֹתֶיךָ׃
יְהוָה אָהַבְתִּי מְעוֹן בֵּיתֶךָ וּמְקוֹם מִשְׁכַּן כְּבוֹדֶךָ׃
אַל תֶּאֱסֹף עִם חַטָּאִים נַפְשִׁי וְעִם אַנְשֵׁי דָמִים חַיָּי׃
אֲשֶׁר בִּידֵיהֶם זִמָּה וִימִינָם מָלְאָה שֹּׁחַד׃
וַאֲנִי בְּתֻמִּי אֵלֵךְ  פְּדֵנִי וְחָנֵּנִי׃
רַגְלִי עָמְדָה בְמִישׁוֹר 
בְּמַקְהֵלִים אֲבָרֵךְ יְהוָה׃