תְּהִלַּת יְהוָה יְדַבֶּר פִּי:
מזמור כט
תהילת ה׳


הָבוּ לַיהוָה בְּנֵי אֵילִים הָבוּ לַיהוָה כָּבוֹד וָעֹז׃
הָבוּ לַיהוָה כְּבוֹד שְׁמוֹ הִשְׁתַּחֲווּ לַיהוָה בְּהַדְרַת קֹדֶשׁ׃
קוֹל יְהוָה עַל הַמָּיִם אֵל הַכָּבוֹד הִרְעִים     
יְהוָה עַל מַיִם רַבִּים׃
קוֹל יְהוָה בַּכֹּחַ קוֹל יְהוָה בּהָדָר׃
קוֹל יְהוָה שֹׁבֵר אֲרָזִים      
וַיְשַׁבֵּר יְהוָה אֶת אַרְזֵי הַלְּבָנוֹן׃
וַיַּרְקִידֵם כְּמוֹ עֵגֶל לְבָנוֹן וְשִׂרְיֹן כְּמוֹ בֶן רְאֵמִים׃
קוֹל יְהוָה חֹצֵב לַהֲבוֹת אֵשׁ׃
קוֹל יְהוָה יָחִיל מִדְבָּר יָחִיל יְהוָה מִדְבַּר קָדֵשׁ׃
קוֹל יְהוָה יְחוֹלל אַיָּלוֹת וַיֶּחֱשֹׂף יְעָרוֹת     
וּבְהֵיכָלוֹ כּלּוֹ אֹמֵר כָּבוֹד׃
יְהוָה לַמַּבּוּל יָשָׁב וַיֵּשֶׁב יְהוָה מֶלֶךְ לְעוֹלָם׃
יְהוָה עֹז לְעַמּוֹ יִתֵּן יְהוָה יְבָרֵךְ אֶת עַמּוֹ בַשָּׁלוֹם׃
ברוך יהוה לעולם אמן ואמן!