תְּהִלַּת יְהוָה יְדַבֶּר פִּי:
מזמור נב
בטחון הצדיק בצדק ה׳

מַה תִּתְהַלֵּל בְּרָעָה הַגִּבּוֹר חֶסֶד אַל כָּל הַיּוֹם׃
הַוּוֹת תַּחְשֹׁב לְשׁוֹנֶךָ כְּתַעַר מְלֻטָּשׁ עֹשֵׂה רְמִיָּה׃
אָהַבְתָּ רָּע מִטּוֹב שֶׁקֶר מִדַּבֵּר צֶדֶק סֶלָה׃
אָהַבְתָּ כָל דִּבְרֵי בָלַע לְשׁוֹן מִרְמָה׃
גַּם אֵל יִתָּצְךָ לָנֶצַח יַחְתְּךָ וְיִסָּחֲךָ מֵאֹהֶל 
וְשֵׁרֶשְׁךָ מֵאֶרֶץ חַיִּים סֶלָה׃
וְיִרְאוּ צַדִּיקִים וְיִירָאו וְעָלָיו יִשְׂחָקוּ׃
הִנֵּה הַגֶּבֶר לֹא יָשִׂים יְהוָה מָעוּזּוֹ     
וַיִּבְטַח בְּרֹב עָשְׁרוֹ יָעֹז בְּהַוָּתוֹ׃
וַאֲנִי כְּזַיִת רַעֲנָן בְּבֵית יְהוָה    
בָּטַחְתִּי בְחֶסֶד יְהוָה עוֹלָם וָעֶד׃
אוֹדְךָ לְעוֹלָם כִּי עָשִׂיתָ וַאֲקַוֶּה שִׁמְךָ    
כִי טוֹב נֶגֶד חֲסִידֶיךָ׃