ישועת ישראל
מזמור קכה

הַבֹּטְחִים בַּיהוָה כְּהַר צִיּוֹן 
לֹא יִמּוֹט לְעוֹלָם יֵשֵׁב׃
יְרוּשָׁלַם הָרִים סָבִיב לָהּ 
וַיהוָה סָבִיב לְעַמּוֹ מֵעַתָּה וְעַד עוֹלָם׃
כִּי לֹא יָנוּחַ שֵׁבֶט הָרֶשַׁע עַל גּוֹרַל הַצַּדִּיקִים 
לְמַעַן לֹא יִשְׁלְחוּ הַצַּדִּיקִים בְּעַוְלָתָה יְדֵיהֶם׃
הֵיטִיבָה יְהוָה לַטּוֹבִים וְלִישָׁרִים בְּלִבּוֹתָם׃
וְהַמַּטִּים עֲקַלְקַלּוֹתָם יוֹלִיכֵם יְהוָה אֶת פֹּעֲלֵי הָאָוֶן  
ושָׁלוֹם עַל יִשְׂרָאֵל׃