תחינה ובקשת משפט בגויים
מזמור קמט


שִׁירוּ לַיהוָה שִׁיר חָדָשׁ     
תְּהִלָּתוֹ בִּקְהַל חֲסִידִים׃
יִשְׂמַח יִשְׂרָאֵל בְּעֹשוֹ     
בְּנֵי צִיּוֹן יָגִילוּ בְמַלְכַּם׃
יְהַלְלוּ שְׁמוֹ בְמָחוֹל    
בְּתֹף וְכִנּוֹר יְזַמְּרוּ לוֹ׃
כִּי רוֹצֶה יְהוָה בְּעַמּוֹ     
יְפָאֵר עֲנָוִים בִּֽישׁוּעָה׃
יַעְלְזוּ חֲסִידִים בְּכָבוֹד   
יְרַנְּנוּ עַל מִשְׁכְּבוֹתָם׃
רוֹמְמוֹת אֵל בִּגְרוֹנָם    
וְחֶרֶב פִּיפִיּוֹת בְּיָדָם׃
לַעֲשׂוֹת נְקָמָה בַּגּוֹיִם     
תּֽוֹכֵחוֹת בַּלְאֻמִּים׃
לֶאְסֹר מַלְכֵיהֶם בְּזִקִּים     
וְנִכְבְּדֵיהֶם בְּכַבְלֵי בַרְזֶל׃
לַעֲשׂוֹת בָּהֶם מִשְׁפָּט כָּתוּב     
הָדָר הוּא לְכָל חֲסִידָיו 
הַלְלוּ יָהּ׃