‎4Q385
Frg. 2
כי אני יהוה‏ הגואל עמי לתת להם הברית‏
‏ואמרה יהוה‏ ראיתי רבים מישראל אשר אהבו את שמך וילכו בדרכי לבך ואלה מתי יהיו והיככה ישתלמו חסדם. ויאמר יהוה אלי אני אראה‏ את בני ישראל וידעו כי אני יהוה‏. ויאמר‏ בן אדם הנבה על העצמות ואמרת ויקרבו עצם אל עצםו ופרק אל פרקו ויהי כן. ויאמר שנית הנבא ויעלו עליהם גדים ויקרמו עור מלמעלה ויהי כן‏. ויאמר שוב אנבא על ארבע רוחות השמים ויפחו רוח בהרוגים ויהי כן‏. ויחיו עם רב אנשים ויברכו את יהוה צבאות אשר‏ חים.‏   ‏  ו‏אמרה יהוה מתי יהיו אלה ויאמר יהוה אל‏י עד‏ אשר‏//
ומקץ ימים יכף עץ ויזקף‏

Frg. 3

יהוה// ויקומו כל העם ויעמדו על רגליהם להודות‏ ולהלל את יהוה צבאות ואף אני מללתי עמהם‏. ויאמר יהוה אלי בן אדם אמור להם במקום קבורתם ישכבו עד אשר‏// מקבריכם ומן הארץ‏// ל‏ אשר עול מצרים‏

Frg. 4

//תחת דוני שמח את נפשי ויתבהלו הימים מהר עד אשר יאמרו האדם הלא ממהרים הימים למען יירשו בני ישראל// ויאמר יהוה אלי לא אשיב פניך יחזקאל הנני גודד את הימים ואת השנים‏ ל‏מצער כאשר אמרת ל‏// כי‏ פי יהוה דבר אלה‏

Frg. 6

המראה אשר ראה יחזקאל‏ נגה מרכבה וארבע חיות חית‏ ובלכתן לא יסבו‏. אחור על שתים תלך החיה האחת ושתי רגליה‏//על‏ ל‏// באחת היה נשמה ופניהם זה בעקר זה ודמות‏ הפנים אחד ארי אחד נשר ואחד עגל ואחד של אדם. והיתה יד‏ אדם מחברת מגבי החיות ודבקה בכנפיהן‏. והאופנים‏ אופן חובר אל אופן בלכתן ומשני עברי האופנים שבלי אש.‏ והיה בתוך גחלים חיות כגחלי אש‏ והאופנים והחיות והאופנים ויהי‏  על ראשם רקיע כעין‏ הקרח הנורא ויהי קול מעל רקיע‏//

‎4Q385b

‏ואלה דברי יחזקאל ויהי דבר יהוה אלי‏ לאמר בן‏ אדם הנבא ואמרת הנה בא יום אבדן גוים מצֵרים. ותהי חלחלה‏ בפוט ותהי חרב במצרַים‏ תתקלקל וכוש ופול‏ ואדירי ערב וגם מן בני‏ הברית ו‏ערב יפולו בשערי‏ מצרים// תואבד‏ בחרב מצרים‏ תשדד//

‎4Q386
Frg. 1 

ארץ וידעו כי אני יהוה‏// ויאמר אלי התבונן בן אדם באדמת ישראל ואמר ראיתי יהוה והנה חרבה ומתי תקבצם. ויאמר יהוה בן בליעל יחשב לענות את עמי ולא אניח לו ומשרו לא יהיה. והמן הטמא זרע לא ישאר ומנצפה לא יהיה תירוש ותזיז לא יעשה דבש‏ ואת הרשע אהרג במף ואת בני אוציא ממף ועל שארם אהפך כאשר יאמרו היה השלום והשדך ואמרו תהיה הארץ כאשר היתה בימי‏ קדם. בכן אעיר עליהם חמה‏ מארבע רחות השמים‏// את‏ // כאש בערת כ‏
Frg. 1 

ודל לא יחן ויביא אל בבל ובבל ככוס ביד יהוה בעת‏ה‏ ישליכנה‏ בבבל והיתה‏ מדור שדים‏ //חרבה ו‏רעו‏// לבבל‏