דבר ה׳ / ובקשת משפט בגויים
מזמור קח

נָכוֹן לִבִּי יְהוָה אָשִׁירָה וַאֲזַמְּרָה אַף כְּבוֹדִי׃
עוּרָה הַנֵּבֶל וְכִנּוֹר אָעִירָה שָּׁחַר׃
אוֹדְךָ בָעַמִּים יְהוָה וַאֲזַמֶּרְךָ בַּלְאֻמִּים׃
כִּי גָדוֹל מֵעַל שָׁמַיִם חַסְדֶּךָ וְעַד שְׁחָקִים אֲמִתֶּךָ׃
רוּמָֿה עַל שָׁמַיִם יְהוָה וְעַל כָּל הָאָרֶץ כְּבוֹדֶךָ׃
לְמַעַן יֵחָלְצוּן יְדִידֶיךָ הוֹשִׁיעָה יְמִינְךָ וַעֲנֵנִי׃
יְהוָה דִּבֶּר בְּקָדְשׁוֹ אֶעְלֹ זֶה 
אֲחַלְּקָה שְׁכֶם וְעֵמֶק סֻכּוֹת אֲמַדֵּד׃
לִי גִלְעָד לִי מְנַשֶּׁה וְאֶפְרַיִם מָעוֹז רֹאשִׁי
 יְהוּדָה מְחֹקְקִי׃
מוֹאָב סִיר רַחְצִי עַל אֱדוֹם אַשְׁלִיךְ נַעֲלִי 
עֲלֵי פְלֶשֶׁת אֶתְרוֹעָע׃
מִי יֹבִלֵנִי עִיר מִבְצָר מִי נָחַנִי עַד אֱדוֹם׃
הֲלֹא יְהוָה זְנַחְתָּנוּ וְלֹא תֵצֵא יְהוָה בְּצִבְאֹתֵינוּ׃
הָבָה לָּנוּ עֶזְרָת מִצָּר וְשָׁוְא תְּשׁוּעַת אָדָם׃
בֵּיְהוָה נַעֲשֶׂה חָיִל וְהוּא יָבוּס צָרֵינוּ׃