אָמַר נָבָל בְּלִבּוֹ אֵין אֱלֹהִים    
הִשְׁחִיתוּ וְהִתְעִיבוּ עָוֶל אֵין עֹשֵׂה טוֹב׃
יְהוָה מִשָּׁמַיִם הִשְׁקִיף עַל בְּנֵי אָדָם    
לִרְאוֹת הֲיֵשׁ מַשְׂכִּיל דֹּרֵשׁ אֶת יְהוָה׃
כֻּלּוֹ סָג יַחְדָּו נֶאֱלָחוּ     
אֵין עֹשֵׂה טוֹב אֵין גַּם אֶחָד׃
הֲלֹא יָדְעוּ פֹּעֲלֵי אָוֶן אֹכְלֵי עַמִּי   
אָכְלוּ לֶחֶם אֱלֹהִים לֹא קָרָאוּ׃
שָׁם פָּחֲדוּ פַחַד    
לֹא הָיָה פָחַד כִּי יְהוָה פִּזַּר עַצְמוֹת
חִנְךָ הֱבִשֹׁתָה כִּי יְהוָה מְאָסָם׃
מִי יִתֵּן מִצִּיּוֹן יְשֻׁעוֹת יִשְׂרָאֵל    
בְּשׁוּב יְהוָה שְׁבוּת עַמּוֹ
יָגֵל יַעֲקֹב יִשְׂמַח יִשְׂרָאֵל׃