תְּהִלַּת יְהוָה יְדַבֶּר פִּי:
סז
לַמְנַצֵּח בִּנְגִינֹת מִזְמוֹר שִׁיר

יְהוָה יְחָנֵּנוּ וִיבָרְכֵנוּ     


יָאֵר פָּנָיו אִתָּנוּ סֶלָה׃

לָדַעַת בָּאָרֶץ דַּרְכֶּךָ     


בְּכָל גּוֹיִם יְשׁוּעָתֶךָ׃

יוֹדוּךָ עַמִּים יְהוָה     


יוֹדוּךָ עַמִּים כֻּלָּם׃

יִשְׂמְחוּ וִירַנְּנוּ לְאֻמִּים      


כִּי תִשְׁפֹּט עַמִּים מִישֹׁר


וּלְאֻמִּים בָּאָרֶץ תַּנְחֵם סֶלָה׃

יוֹדוּךָ עַמִּים יְהוָה     


יוֹדוּךָ עַמִּים כֻּלָּם׃

אֶרֶץ נָתְנָה יְבוּלָהּ    


יְבָרְכֵנוּ יְהוָה אֱלֹהֵינוּ׃

יְבָרְכֵנוּ יְהוָה     


וְיִירְאוּ אוֹתוֹ כָּל אַפְסֵי אָרֶץ׃