תְּהִלַּת יְהוָה יְדַבֶּר פִּי:
מו
לַמְנַצֵּחַ לִבְנֵי קֹרַח עַל עֲלָמוֹת שִׁיר

יְהוָה לָנוּ מַחֲסֶה וָעֹז


עֶזְרָה בְצָרוֹת נִמְצָא מְאֹד׃


עַל כֵּן לֹא נִירָא בְּהָמִיר אָרֶץ


וּבְמוֹט הָרִים בְּלֵב יַמִּים׃


יֶהֱמוּ יֶחְמְרוּ מֵימָיו


יִרְעֲשׁוּ הָרִים בְּגַאֲוָתוֹ סֶלָה׃


נָהָר ופְּלָגָיו יְשַׂמְּחוּ עִיר


יְהוָה קֹדֵשׁ מִשְׁכְּנֵי עֶלְיוֹן׃


יְהוָה בְּקִרְבָּהּ בַּל תִּמּוֹט


יַעְזְרֶהָ יְהוָה לִפְנוֹת בֹּקֶר׃


הָמוּ גוֹיִם מָטוּ מַמְלָכוֹת


נָתַן בְּקוֹלוֹ תָּמוּג אָרֶץ׃


יְהוָה צְבָאוֹת עִמָּנוּ


מִשְׂגָּב לָנוּ אֱלֹהֵי יַעֲקֹב סֶלָה׃


לְכוּ חֲזוּ מִפְעֲלוֹת יְהוָה


אֲשֶׁר שָׂם שֵמות בָּאָרֶץ׃


מַשְׁבִּית מִלְחָמוֹת עַד קְצֵה הָאָרֶץ


קֶשֶׁת יְשַׁבֵּר וְקִצֵּץ חֲנִית


עֲגָלוֹת יִשְׂרֹף בָּאֵשׁ׃


הַרְפּוּ וּדְעוּ כִּי אָנֹכִי יְהוָה


אָרוּם בַּגּוֹיִם אָרוּם בָּאָרֶץ: