חָנְנֵנִי יְהוָה 
רְאֵה עָנְיִי מִשֹּׂנְאָי מְרוֹמְמִי מִשַּׁעֲרֵי מָוֶת׃
לְמַעַן אֲסַפְּרה כָּל תְּהִלָּותֶיךָ     
בְּשַׁעֲרֵי בַת צִיּוֹן אָגִילָה בִּישׁוּעָתֶךָ׃
טָבְעוּ גוֹיִם בְּשַׁחַת עָשׂוּ 
בְּרֶשֶׁת זוּ טָמָנוּ נִלְכְּדָה רַגְלָם׃
נוֹדַע יְהוָה מִשְׁפָּט עָשָׂה 
בְּפֹעַל כַּפָּיו נוֹקֵשׁ רָשָׁע הִגָּיוֹן סֶלָה׃
יָשׁוּבוּ רְשָׁעִים לִשְׁאוֹלָה כָּל גּוֹיִם שֹׁכֵחֵי אֱלֹהִים:
כִּי לֹא לָנֶצַח יִשָּׁכַח אֶבְיוֹן 
תִּקְוַת ענוים תֹּאבַד לָעַד׃
קוּמָה יְהוָה אַל יָעֹז אֱנוֹשׁ יִשָּׁפְטוּ גוֹיִם עַל פָּנֶיךָ׃
שִׁיתָה יְהוָה מוֹרָה לָהֶם 
יֵדְעוּ גוֹיִם אֱנוֹשׁ הֵמָּה סֶּלָה׃