תְּהִלַּת יְהוָה יְדַבֶּר פִּי:
קמה
תְּהִלָּה לְדָוִד

אֲרוֹמִמְךָ אֱלוֹהַי הַמֶּלֶךְ


וַאֲבָרְכָה שִׁמְךָ לְעוֹלָם וָעֶד׃ֿ


בְּכָל יוֹם אֲבָרְכֶךָּ


וַאֲהַלְלָה שִׁמְךָ לְעוֹלָם וָעֶד׃


גָּדוֹל יְהוָה וּמְהֻלָּל מְאֹד


וְלִגְדֻלָּתוֹ אֵין חֵקֶר׃


דּוֹר לְדוֹר יְשַׁבַּח מַעֲשֶׂיךָ


וּגְבוּרתֶיךָ יַגִּידוּ׃


הֲדַר כְּבוֹד הוֹדֶךָ


וְדִבְרֵי נִפְלְאֹתֶיךָ אָשִׂיחָה׃


ווֶעֱזוּז נוֹרְאֹתֶיךָ יֹאמֵרוּ


וגדֻלותיך אֲסַפְּרֶנָּה׃


זֵ֣כר רַב טוּבְךָ יַבִּיעוּ


וְצִדְקָתְךָ יְרַנֵּנוּ׃


חַנּוּן וְרַחוּם יְהוָה


אֶרֶךְ אַפַּיִם וּגְדָל חָסֶד׃


טוֹב יְהוָה לַכֹּל


וְרַחֲמָיו עַל כָּל מַעֲשָׂיו׃


יוֹדוּךָ יְהוָה כָּל מַעֲשֶׂיךָ


וַחֲסִידֶיךָ יְבָרְכוּכָה׃


כְּבוֹד מַלְכוּתְךָ יֹאמֵרוּ


וּגְבוּרָתְךָ יְדַבֵּרוּ׃


לְהוֹדִיעַ לִבְנֵי הָאָדָם גְּבוּרֹתָיו


וּכְבוֹד הֲדַר מַלְכוּתוֹ׃


מַלְכוּתְךָ מַלְכוּת כָּל עֹלָמִים


וּמֶמְשַׁלְתְּךָ בְּכָל דּוֹר וָדֹר׃


סוֹמֵךְ יְהוָה לְכָל הַנֹּפְלִים


וְזוֹקֵף לְכָל הַכְּפוּפִים׃


עֵינֵי כֹל אֵלֶיךָ יְשַׂבֵּרוּ


וְאַתָּה נוֹתֵן לָהֶם אֶת אָכְלָם בְּעִתּוֹ׃


פּוֹתֵחַ אֶת יָדֶךָ


וּמַשְׂבִּיעַ לְכָל חַי רָצוֹן׃


צַדִּיק יְהוָה בְּכָל דְּרָכָיו


וְחָסִיד בְּכָל מַעֲשָׂיו׃


יקָרוֹב יְהוָה לְכָל קֹרְאָיו


לְכֹל אֲשֶׁר יִקְרָאֻהוּ בֶאֱמֶת׃


רְצוֹן יְרֵאָיו יַעֲשֶׂה


וְאֶת שַׁוְעָתָם יִשְׁמַע וְיוֹשִׁיעֵם׃


שׁוֹמֵר יְהוָה אֶת כָּל אֹהֲבָיו


וְאֵת כָּל הָרְשָׁעִים יַשְׁמִיד׃


תְּהִלֹּת יְהוָה יְדַבֶּר פִּי


וִיבָרֵךְ כָּל בָּשָׂר שֵׁם קָדְשׁוֹ לְעוֹלָם וָעֶד׃