אַךְ אֶל יְהוָה דּוּמִיָּה נַפְשִׁי
מִמֶּנּוּ יְשׁוּעָתִי׃
אַךְ הוּא צוּרִי וִישׁוּעָתִי
מִשְׂגַּבִּי לֹא אֶמּוֹט רַבָּה׃
עַד אָנָה תְּהוֹתְתוּ עַל אִישׁ תְּרָצְּחוּ כֻלְּכֶם
כְּקִיר נָטוּי גָּדֵר הַדְּחוּיָה׃
אַךְ מִשׁאִתוֹ יָעֲצוּ לְהַדִּיחַ יִרְצוּ
כָזָב בְּפִיו יְבָרֵכוּ וּבְקִרְבָּם יְקַלְלוּ סֶלָה׃
אַךְ לֵיְהוָה דּוֹמִּי נַפְשִׁי כִּי מִמֶּנּוּ תִּקְוָתִי׃
אַךְ הוּא צוּרִי וִישׁוּעָתִי מִשְׂגַּבִּי לֹא אֶמּוֹט׃
עַל יְהוָה יִשְׁעִי וּכְבוֹדִי צוּר עֻזִּי מַחְסִי בֵּיְהוָה ׃
אַךְ הֶבֶל בְּנֵי אָדָם כָּזָב בְּנֵי אִישׁ
בְּמֹאזְנַיִם לַעֲלוֹת הֵמָּה מֵהֶבֶל יָחַד׃
בִּטְחוּ בוֹ בְכָל עֵת עָם שִׁפְכוּ לְפָנָיו לְבַבְכֶם
יְהוָה מַחֲסֶה לָּנוּ סֶלָה׃
אַל תִּבְטְחוּ בְעֹשֶׁק וּבְגָזֵל אַל תֶּהְבָּלוּ
חַיִל כִּי יָנוּב אַל תָּשִׁיתוּ לֵב׃
אַחַת דִּבֶּר יְהוָה שְׁתַּיִם זוּ שָׁמָעְתִּי 
כִּי עֹז לֵיְהוָה וּלְךָ אֲדֹנָי חָסֶד
כִּי אַתָּה תְשַׁלֵּם לְאִישׁ כְּמַעֲשֵׂהוּ׃