יְהוָה מָלָךְ גֵּאוּת לָבֵש יְהוָה עֹז הִתְאַזָּר   
אַף תִּכּוֹן תֵּבֵל בַּל תִּמּוֹט׃
נָכוֹן כִּסְאֲךָ מֵאָז מֵעוֹלָם אָתָּה׃
נָשְׂאוּ נְהָרוֹת יְהוָה נָשְׂאוּ נְהָרוֹת קוֹלָם     
יִשְׂאוּ נְהָרוֹת דָּכְיָם׃
מִקֹּלוֹת מַיִם רַבִּים אַדִּירִים מִשְׁבְּרֵי־יָם    
אַדִּיר בַּמָּרוֹם יְהוָה׃
עֵדֹתֶיךָ נֶאֶמְנוּ מְאֹד לְבֵיתְךָ נַאֲוֵה קֹדֶשׁ 
יְהוָה לְאֹרֶךְ יָמִים׃